رشيد البرجس - إخبارية عرعر:
عبر الشاعر الشمالي المعروف سعد المطلق بقصيدة شعرية عن فرحة أهل الشمال وحفاوتهم بأمير الحدود الشمالية صاحب السمو الملكي الأمير فيصل بن خالد بن سلطان آل سعود مبينًا من خلال القصيدة محبتهم للأمير لقربه منهم وتلمس احتياجاتهم من خلال جولاته التفقدية المفاجأة لبعض القطاعات الحكومية حتى يشاهد بعينه مدى تجاوب القطاعات الخدمية مع المواطن
القصيدة بعنوان:
شموخك ياسيدي..
شموخك أكبر من كلام تنصاك
واكبر من حروف القصيد وسجينك
ياسيدي فيصل .. كثيره مزاياك
تصعب على اللي بالشعر مادحينك
انا اشهد ان اللي على السيف سماك
ذخرك في خدمة .. مليكك ودينك
يامعرب الجدين ياطيب مجناك
كنك تشيل المجد في راحتينك
غنا الشمال ولامس الغيم بحماك
متكايف ما بين صدرك وعينك
يشهق فخر والجرد تزهر بماطاك
ياما تساوى مع حنينه حنينك
من هيبتك كن المطر يتبع خطاك
وكنه يخايل من علوه جبينك
مثل الوسم كل الخلايق تمناك
تشبه بواكير السحايب يدينك
نحرت لك هاجوس شعري وغناك
ثارت حروفه بين عطفك ولينك
ياسيدي تستاهل العمر يفداك
ياعلها تبطي وتبطي سنينك
شف الشمال شلون داعبك واغلاك
ووشلون بريته .. مثل والدينك
وشفني بقايا انسان يطمح إلقياك
وينشد عيونه لا اظلم الليل وينك
انا فديتك قولي وش تبي جاك
واقولك عن سر ؟ بيني وبينك !!
11 pings
إنتقل إلى نموذج التعليقات ↓