[ALIGN=CENTER][IMG]http://www.ararnews.org/contents/myuppic/4d64ad608e88d.jpg[/IMG][/ALIGN]

[poem=font=”Simplified Arabic,4,darkred,bold,normal” bkcolor=”” bkimage=”” border=”none,4,gray” type=0 line=200% align=center use=ex length=0 char=”” num=”0,black” filter=””]
سلامتك ياسيّدي علّ ماباس=جِعله طهور الله يديمك ويشفيك
الله يديمك للوطن عالي الراس=والله يحقق يابو متعب مِساعيك
لو انها بالكيف ماجاك الاوجاس=يجي بنا دونك عسى الروح تفديك
لك وحشة ٍ ياسيّدي عمّت الناس=بوجيه شعبك بانت الكلْ مغليك
غلاك فيهم جارين مجرى الانفاس=ولهم تردْ الروح ياحلْ طاريك
فيك المروّه والصخا وللكرم ساس=وانت المراجل سيّدي كلّها فيك
شعبك وفي وانت الوفا وللوفا راس=من غيبتك وقلوب شعبك تناديك
واكبودهم ياسيّدي حيل يبّـــاس=تبي لقاك الله يعيدك ويحميك
شوق المواطن للقا ماله اقياس=وشوق الوطن لخطاك وطاهر مواطيك
لدارك وشعبك دايم الوقت نوماس=دارك واهلها راسيه في موانيك
يزهى الوطن في جيّتك زين الالباس=ياوسوم دارك أخذل الله مِعْديك
لو يفرشون الارض لؤلؤ مع المـاس=ماسدّدوا لك يابو متعب حسَانيك
اهلآ هلا صِدق المشاعر والاحساس=تنثـّرت والشعب قبّل أياديـــــك
ياسيّدي لاباس لاباس لابـــــاس=لاهان راسك لاعدمنا مِجانيــــك
[/poem]

[COLOR=blue]نواف فراج الشامان البجيدي العنزي[/COLOR]