تفاعل الشاعر والاعلامي ماجد العبدالله النماصي مع قضية الطفلة ” ألين الرويلي ” التي وافتها المنية مؤخراً في مدينة عرعر , بعد مماطلات من مستشفيات وزارة الصحة المتخصصة في العاصمة الرياض ، ولم يستغرب ماجد بدوره هذا الإهمال من قبل وزارة الصحة وأن الموت أصبح أمراً عاديا لمرضى الحدود الشمالية بحجة ” عدم توفر سرير ” :
[COLOR=#2314E9]
” إخبارية عرعر “[/COLOR] تنشر قصيدة الشاعر :
[SIZE=5][B]
[CENTER][COLOR=#0C1EF0]ياخالق الخلق يا رحمن .. ياذو الجلال
يالمحيي و يالمميت .. و يالعليم المعين
طالبك ياللي يؤول .. بأمرك انت المآل
انك تصبر أهل .. إلين وترحم إلين
الله كتب والله اللي راد .. مابه جدال
والأجر للصابرين .. و بشر الصابرين
طال انتظار السرير .. و فات حد المطال
لا طول الله في .. عمر الربيعه آمين
مافي يدينا على .. أهل المناصب مجال
واللي بيديهم مجال .. انشوفهم ساكتين
الله يشوف اليدين .. اللي تقص الحبال
الله يشل اليدين .. الله يشل اليدين
الحق ما عاد يسمع .. بس لازم يقال
هذا وانا في خطابي .. أقصد العاقلين
لوهي بنية وزير .. او كان ابوها من آل
إن كان خصص لها .. جناح وممرضين
حرام على الضعيف .. وعلى غيره حلال !
في دولة العدل والإسلام يا مسلمين !!
بالواجهه كلنا .. في أحسن وخير حال
ومن تحت .. أوضاعنا في أسفل السافلين
الظلم في إنتشار .. و بانتشار الضلال
ما دام ماينفرض .. عقاب للعاصيين
لو كل مسؤول ينحاسب .. على الإنحلال
ما صاروا الظالمين .. اكثر من العادلين
جيوب بعض الذمم .. تاخذ سهول وجبال
من وسعها .. واهلها أنذال ومنافقين
يدرون إن صدر الام .. ايفوح فوح الدلال
و انه دعاها يجاب .. وللأسف فاسدين
نسألك يا خالق الدنيا .. ومجيب السؤال
تعاقبهم بفعلهم .. يامنتصر يا معين
لوهي بنية وزير .. او كان ابوها من آل
إن كان خصص لها .. جناح وممرضين
ونطلبك ياللي يؤول .. بأمرك انت المآل
انك تصبر أهل .. إلين وترحم إلين[/COLOR][/CENTER]
[/B]
[/SIZE]
