[poem=”font=”Times New Roman,6,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=1 line=0 align=center use=ex num=”0,#400000″”]
إلى جنان الخلد ياشيخ ياسين = مع النبي المصطفى والصحابة
يامن رحل للمملكة حب للدين = يوم ان طغى بالشام حكم الكلابة
وفي جامعه امضى قُرابة ثلاثين = يعلم ويرقي من اول شبابه
من الفجر لين الضحى عدة سنين = جالس ببيت الله ويتلو كتابه
الله عطاه العلم والحلم واللين = الله عطى صدره يقين ورحابة
ماشفت مثله بالتواضع لهاللحين = ماشفت مثله بالخلق والحبابة
لايابعد بعض الشيوخ المسمّين = اللي مناظرهم تجيب الكآبة
يجيك رافع خشمه وناظره شين = وياويل منهو مايقدر جنابه
على ايش ياشيخ الفلس ياارمد العين = تحسْبنّها بالفهلوة والنهابة
بدري عليك تشابه الشيخ ياسين = اللي يحب اهل الفقر والغلابة
عساه بالجنة بظل وبساتين = مع النبي المصطفى والصحابة[/poem]

[FONT=Simplified Arabic][B][SIZE=5]المدينة المنورة
حسين البليهي[/SIZE][/B][/FONT]