[COLOR=#000000][FONT=Simplified Arabic][SIZE=5][B][CENTER]
[SIZE=6]
إلى متى التأليب ياشيخ سلمان
مدري وش اللي بالنهاية تريده
قبل امس تمدح ليبيا باعذب الحان
وخليتها بالعدل دولة فريدة
رغم ان حاكمها جحد عالي الشان
وسيفه طعن شعبه ومزق وريده
والمملكة حاقد عليها من ازمان
وبالما العكر ياشيخ نقدك تصيده
حنا بنعمة ماتقدر بالاثمان
أمن وسكينة والقيادة رشيدة
واللي خلق مامثلها بين الاوطان
المملكة من مثلها بالعقيدة
جور السعود ولاعدل حزب الاخوان
اللي اعجزوا عن ضبط مصر الجديدة
ياشعبنا نبغى التفافه من اﻵن
حول الشيوخ أهل العقول السديدة
تعوذوا من كل مفسد وشيطان
وحذرا تملون الحياة الرغيدة
قوموا بوجه اللي يبي دار الايمان
المرجفين اهل العقول العنيدة
الضب مابه طب لاصار عيران
ياكود تكوى عكرته بالحديدة
ويارب تهدي غامض الطرح سلمان
وإلى طريق الحق ياالله تعيده[/SIZE][/CENTER]

الشيخ حسين البليهي[/B][/SIZE][/FONT][/COLOR]