هلال الحسيني من سكان مدينة حائل توفيت أخته الأسبوع الماضي بسبب خطأ طبي ، أرسل رسالة تهديد من خلال قصيدة شعرية كتبها ووجهها لوزير الصحة الربيعة.

الحسيني ذكر في قصيدته أن غريمه الوحيد هو وزير الصحة وأن المواطنين نصحو الربيعة ولكن دون أدنى إستجابه ، وقال ” أنني أريد ثأري ولست بالخفاء” وذلك عن دم أختي “نويّر”.

وقد عجّت مواقع التواصل الإجتماعي بالقصيدة وتوالت ردود الأفعال المتعاطفة مع أهل الفقيدة.

يُذكر أنه منذ تأسيس السعودية لم تشهد الدولة من الأخطاء الطبية والكوارث الصحية ماهو حاصل في عهد الوزير الحالي الدكتور “الربيعة”.

يالربيعه/من طنا ارض حايل
والسيف والخنجر وشلفى الذوابيح

ماعادبه كذب ولجان وتحايل
انت الغريم اللي جلبت السوافيح

ياما عليك نصيح ../ دوك الدلايل
وانته ولا همّك صياح ومناويح

منصب خزي نصبت يابن العوايل
ماهو على قدّك ولاهولك مريح

مانته كفو منصب ولالك فعايل
وحنا عليك اليوم جينا مراويح

كلن يبي ثاره وللثار شايل
ماهو بظلم ودس/جينا نواطيح

بكفوفنا تلمع سيوفن صقايل
وبعيوننا دمع القهر له مطاويح

وانا عن نوير بعثت الرسايل
ان قدر الله دمعك الا له يطيح

وان قدر الله لاتشوف الهوايل
تضلم عليك ولا تشوف المصابيح

واللي خلق لاتذوق جمر الملايل
من رأس مقهورن وربعه طحاطيح

بيعلمك وش لون حنّا بحايل
ويعلمك وش لون حنّا ذوابيح

[CENTER][SITECODE=”youtube Ca4BEb5kyoo”].[/SITECODE]
[URL]https://www.youtube.com/watch?v=Ca4BEb5kyoo&feature=youtube_gdata_player[/URL]

[/CENTER]