هي حقيقه نعيشها كل يوم من اناس أبتلي بهم المجتمع الشمالي والمفترض أن يكون المجتمع في هذه الفتره بالذات اكثر نضجاً ووعياً وصراحة وصدقاً خاصةان مثل هذه النوعيه لا يجوز ابداً ان تكون هي واجهة المجتمع الشمالي في عيون الأخرين ولا بد أن يوضع أمثال هؤلاء في الزاويه التي تليق بهم وتعالوا هنا لنقلي الضوء على بضعة نماذج حيّه
1-عضوا مجلس منطقه كلما جلس في مجلس(طبعاً بصدر المجلس أبوفلان) وأينما جلس وتواجد أخذ يردد مقولته الشهيره التي دائماً يُرَدِدُهَا من اجل الترزز وتبيين أهميته
( والله ومن فضل الله أن طويل العمر الله يطوّل عمره من كثر ما أنا قريّب من نفسه وموضع ثقه بالنسبه له الله يطول عمره كثير ما يستدعيني لمكتبه ويسألني عن رايي في كثير من الامور( وش رايك يابوفلان في ها لأمر /وش رايك في هالموضوع/ وش تشير علي فيه بهالقضيّه)
(بالمختصر المفيد أخونا بالله شكله هو اللي يدير شئون البلد بدون ظهور علني
أنا سأقول لهذا العاهه الشماليه( لايكثر هرجك بس واقضب القاع ودورك معروف ومايحتاج تدقيق وبعدين ترى الكلام بهالصوره عن المقامات الرفيعه يودي بستين داهيه لكن شكلّك تبي تنجلد على بكيّر وبعدها طرّه محترمه مع الباب( ماقول إلاّ العوض على الله بالمجلس اللي انت عضو فيه)

2-عاهه شماليه اخرى من مدعين الصحافه(مراسل وتخبّ عليه) يقال والعهده على الراوي
أن احد الأخوان المسمى صحفي سوى عشا وعزم مجموعة شباب من ضمنهم ناقل الراويه لشخصي البسيط ويسولف عليهم أخونا بالله هذه القصه عن نفسه
( والله ياشباب أني لي شهرين ما ني قادر أنزل مع أهلي للسوق إذا نزلت معاهم ما خلصت من المواطنين هذا يبيني أكتب عن الصحه وذاك يبيني أكتب عن تعيين المعلمات وغيره عنده مشكله بالشرطه (تبون الصراحه هالصحافه سببت لي مشكله كبيره وقيدتني بالمررره( حلوه منّك قَيّدَتْني (أخس يالاري كنج كبير صحفيين السي أن أن ماقول غير الله يخلف على الصحافه الشماليه التي أنت تمثلها)

3- عاهه شماليه ثالثه
واحد من المعارف رزقه الله بكم قرش وصار عند شوية قريشات بالبنك يعني ( تاجر تو نابت ريشه ) المهم صاحبنا باللّه صار مايسلم على الناس ألاً من طرف خشمه
راح مره لأحد صالونات الحلاقه المشهوره وبعد مادخل على الحلاقين وعندهم بعض الزبائن وطلبوا له الجماعه كوب شاي
قال والله أنتم ياأهل هالصالون ماتخلون عادتكم لهالحين ماتطوروتوا ولهالحين تحلقون لها البدوا والله ان الواحد يراجع نفسه بالتعامل معكم)
(ما أقول إلاّ يخزي العين حولك وحواليك يالباريسي الظاهر أمك من هولندا وأبوك من بلاد الضباب)
( والله العظيم أني أراهن عليك وواثق من كسب الرهان لو افركوك بمنظفات العالم المطوره مارايح تنظف يامصدّي والبدوا ليسوا معيبه بل هم شرف وفخر ولكن ماذا نفعل أمام قدرنا الذي ابتلانا بهكذا عاهه من ضمن عاهات شماليه مجبرين على معايشتها وقدر الله وماشاء فعل ياجيمس بوند

4- عاهه شماليه رابعه تعمل بتوزيع بالصدقه
يقال أن خمس أخوان من المسئولين عن توزيع إعانات ماليه على اهل الصفيح صرف لهم مبلغ مائه وخمسين الف ريال وهم خمس أشخاص
يعني كل واحد معاه ثلانون الف لصرفها
المهم الجماعه بارك الله فيهم ركبوا في سياره وحده وكل مامروا على صندقه من الصنادق تخالفوا عند مين اللي يبدا الصرف منهم (المهم راح النهار وهم ماصرفوا مليم أحمر
(وين راحت المائه وخمسون ألف (يقال فيما يروى عنهم أنهم اتفقوا اخر شي ان العاملين عليها اولى لأنهم ماوجدوا محتاجين(ما أقول إلاّ أمحق جماعة صرف واعان الله الفقراء على وساع الذمّه)

5-عاهه شماليه خامسه من نوع بشت سوبر ستار
رجل كان ناقة الله وسقياها بين ليلةٍ وضحاها هبطت عليه ثروه وأصبح الرجال بَعْد ماكان لاَ شاف الريال يطيح من طوله صار مايحكي سوى بالألاف ونجمه يصعد فوق أوي :المهم الرجال قال ليه ما أجرب أصير شيخ شمل مازبطت الشغله معاه قال أجرب أصير شيخ فخذ برضه مازبطت معاه، حتى شيخ ورك ماهي راضيه تزبط معاه المهم صاحبنا مالقى أفضل من الترزز بالبشت في المناسبات العامه كالحفلات والمجالس
في أحد المرّات أتصل عليه واحد من أصدقائه القدامي وينك يابوفلان ماعدنا نشوفك
والله يافلان وقتي ماهو ملك لِيّه /الاسبوع الماضي كنت بمدينة تبوك أتوسط برقبه والاسبوع الجاي معزوم عند شيوخ القبيله الفلانيه والاسبوع اللي بعده عندي موعد بوزارة الداخليه لمقابلة سمو الامير واخر اسبوع عازمينا ربعي بالكويت يبون يتعرفون علي(أقول أمحق شيخ دجّه وماضيّع الديره إلاّ البشوت اللي مثل بشتك
يلعب بها الغربي على كل يمّه)

6-مديرة مدرسه توها مستلمه الإداره اجتمعت بالمدرسات
قالت شوفن المدرسه مقبله على سياسه جديده بعلم الاداره يعني أنا لي سياستي الخاصه بي ولازم تعرفن ها لأمر وتمشن عليه
( أقول ماشا الله عليك ياتاتشر على غفله)

7-ضابط كبير كلما درس على الأ فراد بالميدان قال
لو نفذتوا كلامي بالحرف الواحد كانت شرطة المنطقه مثال يحتذى به في عموم المملكه(هذا ؟؟؟؟؟؟؟؟؟؟؟؟؟ ولاّ شوارسكوف)
( يارجال بسبب كلامك رجال الشرطه بنقاط التفتيش يقرون الأثباتات بالمقلوب ويازينك ساكت ياشوارسكوف على غفله)

أمثله كثيره ومتعدده نعيش معها ونرى تصرفاتها التي ترسم صوره قاتمه للمدينه ومع كل ذلك نغض الطرف ونضعهم في صدر المجلس فهل سنرتقي بمثل هذه العاهات والصمت المطبق